|
 Монголын татварын тогтолцооны нэг сөрөг үзэгдэл бол патентийн татвар буюу орлогыг нь тухай бүр тодорхойлох боломжгүй иргэдээс авдаг татвар.
Жишээ авбал: Балдан Бат 2 хоёулаа бизнесээ нэг гараанаас эхэлжээ. Хоёулаа модны бизнес эрхэлдэг бөгөөд Балдан компани байгуулж, Бат патентийн татвар төлөгч болжээ. Энэ 2-ын орлого ашиг нь ойролцоо. Тухайлбал: жилд 50,0 сая төгрөгний борлуулалт хийж, 30 сая төгрөгний зардал гаргажээ.
Балдангийн хувьд тухайн жилдээ:
1. ААНОАТ-т 50,0 сая-30,0 сая=20,0 сая төгрөг *10 хувь=2.0 сая төгрөг
2. НӨАТ-т 40,0 сая*10 хувь=4.0 сая төгрөг. НӨТ-тэй худалдан авалтын буцаалт 1 сая төгрөг. Нийт 4-1=3 сая төгрөг.
3. НДШ-д. 5 ажилтанд 300,0 төгрөгний цалин олгож: 300,0*5*12=18000,0*12хувь=2 сая төгрөг.
4. Нийт 2,0+1,0+2,0=5,0 сая төгрөгний татвар төлжээ.
5. Мөн татварын шалгалт орж ирэн акт тавиулах магадлал тун өндөртэй
Батын хувьд: Сард 10,0 төгрөгний патентийн татвар төлдөг тул жилд 10,000*12=120,000 төгрөгний татвар төлжээ. Батын хувьд тайлан тооцоо гэж гаргадаггүй. Татварын шалгалт орж ирнэ гэх айдасгүй бизнесээ хийсээр... 50,0 сая-30,0 сая=20,0 сая төгрөг түүний халаасанд орно.
Харин Балдан 20,0 сая төгрөгнөөсөө дээр дурдсан 5,0 сая төгрөгний татвар төлж 15,0 сая төгрөгний ашигтай ажиллажээ. Татварынхан Балдангийн компанид шалгалтаар орж энэ 15,0 сая төгрөгнөөс нь хэдийг нь авах бол.
Балдан хэрвээ Бат шиг явсан бол жилд 4880,000 төгрөг хэмнэх байж дээ. Ийнхүү манай татварынхан патент төлөгч нарын толгойг илсээр, харин компани байгуулсан нэгний халаасыг хоосолсоор л .... Энэ тохиолдолд Бат Балдан 2 яаж шудрага өрсөлдөх вэ дээ.
Татварын тогтолцоо нэгэнт ийм байгаа юм чинь та бизнес эрхлэхээр шийдсэн бол....
Нийтлэсэн: Мэжик чойс сургалтын төв.
 |
